ஜி -7 மாநாட்டில் பங்கேற்பதற்காக கனடாவுக்கு விஜயம் மேற்கொண்டுள்ள ஆஸ்திரேலிய பிரதமர் அந்தோனி அல்பானீஸி, கனடா பிரதமர் மார்க் கார்னியுடன் இரு தரப்பு சந்திப்பில் ஈடுபட்டார். 

ஆஸ்திரேலியாவில் எட்டாவது பெரிய முதலீட்டாளராக கனடா உள்ளது. எனவே, இச்சந்திப்புமூலம் வர்த்தக உறவு மேலும் வலுவடைந்துள்ளது என்று ஆஸி. பிரதமர் தெரிவித்தார்.  

இரு நாடுகளுக்கும் இடையிலான பாதுகாப்பு ஒத்துழைப்பை மேம்படுத்தவது குறித்தும் இச்சந்திப்பின்போது அவதானம் செலுத்தப்பட்டுள்ளது.

இரு நாட்டு பிரதமர்களும் நேரடி சந்திப்பில் ஈடுபடுவது இதுவே முதன்முறையாகும். இதனால் இச்சந்திப்பு முக்கியத்துவம்மிக்கதாகக் கருதப்படுகின்றது.

அதேவேளை, அமெரிக ஜனாதிபதி டொனால்ட் ட்ரம்புடன், ஆஸ்திரேலிய பிரதமர் நாளை பேச்சு நடத்தவுள்ளார்.

வரி விவகாரம் உட்பட முக்கிய பல விடயங்கள் தொடர்பில் கலந்துரையாடப்படவுள்ளன.