ஈரானிலுள்ள அணு ஆயுத தளங்கள்மீது தாக்குதல் நடத்துவதற்கு அமெரிக்கா, ஆஸ்திரேலியாவிடம் இராணுவ உதவி கோரவில்லை என்று வெளிவிவகார அமைச்சர் பெனி வோங் தெரிவித்தார்.
எனினும், நோட்டன் டெரடரியில் உள்ள தகவல் தொடர்பு மையம் தாக்குதலுக்கு பயன்படுத்தப்பட்டதா என்ற கேள்விக்கு அவர் பதிலளிக்கவில்லை.
ஆஸ்திரேலியாவின் தேசிய அமைச்சரவையும் கூடி , ஈரான் விவகாரம் தொடர்பில் ஆராய்ந்துள்ளது. பயண ஆலோசனையும் மதிப்பாய்வு செய்யப்பட்டுள்ளது.
அதேவேளை, தாக்குதல் பற்றி அமெரிக்கா தமக்கு தெரியப்படுத்தவில்லை எனவும், அது ஒரு தலைப்பட்சமான நடவடிக்கை எனவும் பிரதமர் அந்தோனி அல்பானீஸி சுட்டிக்காட்டியுள்ளார்.
அமெரிக்காவின் தாக்குதலுக்கு உளவு தகவல் உள்ளிட்ட ஒத்துழைப்புகளை ஆஸ்திரேலியா வழங்கியதா என்ற கேள்விக்கு, அது பற்றி பேசப்படவில்லை என்று பிரதமர் பதிலளித்துள்ளார்.
