வட்டி விகிதத்தை தொடர்ந்து 4.35 வீதமாக தக்கவைப்பதற்கு ஆஸ்திரேலிய மத்திய வங்கி தீர்மானித்துள்ளது.
மத்திய வங்கியின் கூட்டம் நேற்று ஆரம்பமானது. இன்றைய தினமும் கூட்டம் தொடர்ந்தது. பொருளாதாரம் மற்றும் பணவீக்கம் உள்ளிட்ட விடயங்கள் தொடர்பில் விரிவாக ஆராயப்பட்டுள்ளது.
இதனையடுத்தே வட்டி விகிதத்தில் மாற்றத்தை ஏற்படுத்தாதிருக்க முடிவெடுக்கப்பட்டுள்ளது. பொருளாதார நிபுணர்களும் இத்தகையதொரு முடிவை எதிர்பார்த்திருந்தனர்.
2023 நவம்பர் மாதம் முதல் இற்றைவரை வட்டி விகிதம் 4.35 வீதமாக இருந்துவருகின்றமை குறிப்பிடத்தக்கது. மத்திய வங்கியின் அடுத்த கூட்டம் நவம்பர் 5 ஆம் திகதி இடம்பெறவுள்ளது.
