ஆஸ்திரேலியாவுக்கான ஈரான் தூதுவரை நாட்டிலிருந்து உடன் வெளியேற்ற வேண்டும் என்று எதிர்க்கட்சி தலவைர் பீட்டர் டட்டன், கூட்டாட்சி அரசை வலியுறுத்தியுள்ளார்.
இஸ்ரேல் தாக்குதலில் கொல்லப்பட்ட ஹிஸ்புல்லா அமைப்பின் தலைவருக்கு ஆஸ்திரேலியாவுக்கான ஈரான் தூதுவர் அஞ்சலி செலுத்தியுள்ளார். இது தொடர்பான காணொளியும் சமூக ஊடகங்களில் வெளியிடப்பட்டுள்ளது.
அத்துடன் ஹிஸ்புல்லா அமைப்பின் தலைவரை தியாகி எனவும் தூதுவர் புகழ்ந்துள்ளார்.
இந்நிலையிலேயே ஈரான் தூதுவரை வெளியேற்றுமாறு எதிர்க்கட்சி தலைவர் வலியுறுத்தியுள்ளார்.
ஈரான் தூதுவரின் செயலை ஆஸ்திரேலிய பிரதமர் கண்டித்துள்ளார். எனினும், தூதுவரை வெளியேற்றுவது தொடர்பில் அவர் கருத்து வெளியிடவில்லை. ஈரானுடனான இராஜதந்திர உறவு முக்கியம் எனக் குறிப்பிட்டுள்ளார்.
