காசாமீதான போர் நடவடிக்கையால் சேதமடைந்த ஆஸ்திரேலிய படையினரின் கல்லறைகள் விரைவாக புனரமைக்கப்படும் என அதிகாரிகள் உறுதியளித்துள்ளனர்.
காசா நகரில் உள்ள காசா போர் கல்லறைத் (Gaza War Cemetery), முதலாம் உலகப் போரின் போது துருக்கி படைகளுக்கு எதிரான போரில் உயிரிழந்த சுமார் 250 ஆஸ்திரேலிய படையினரின் இறுதி ஓய்விடமாக உள்ளது.
இவர்களில் பெரும்பாலானோர் புகழ்பெற்ற லைட் ஹார்ஸ் பிரிகேட் படைப்பிரிவைச் சேர்ந்தவர்கள் ஆவார்கள்.
இந்த கல்லறைத் தோட்டத்தில், ஆயிரக்கணக்கான பிரித்தானிய படையினரின் கல்லறைகளும் இணைந்து அமைந்துள்ளதுடன், இது காமன்வெல்த் வார் கிரேவ்ஸ் கமிஷன் (CWGC) அமைப்பின் நிர்வாகத்தில் உள்ளது.
முன்னதாக வெளியான தகவல்களில், இஸ்ரேல் – ஹமாஸ் போர் காலத்தில் காசாவில் மேற்கொள்ளப்பட்ட இஸ்ரேலிய இராணுவ நடவடிக்கைகளால் ஏற்பட்ட சேதங்களில், ஆஸ்திரேலிய வீரர்கள் அடக்கம் செய்யப்பட்ட பகுதியே அதிகமாக பாதிக்கப்பட்டுள்ளதாக செயற்கைக்கோள் படங்கள் காட்டியதாக தெரிவிக்கப்பட்டிருந்தது.
,
இந்த சேதம் குண்டுவீச்சால் அல்ல, பெரிய இயந்திரங்கள் (heavy machinery) பயன்படுத்தப்பட்டதன் விளைவாக ஏற்பட்டிருக்கலாம் என நேரடி சாட்சிகள் மற்றும் நிபுணர்கள் சுட்டிக்காட்டியுள்ளனர்.
ஆஸ்திரேலிய போர் கல்லறைகள் அலுவலகம் (Office of Australian War Graves),
இந்த சேதம் குறித்து தீவிரமாக கவலை வெளியிட்டுள்ளது.
பாதிக்கப்பட்ட அனைத்து கல்லறைகளையும் விரைவில் சீரமைக்க நாங்கள் உறுதியாக உள்ளோம் எனவும் கூறப்பட்டுள்ளது.
