மேற்கு சிட்னியில் கார் கடத்தலில் ஈடுபட்ட இருவர்மீது பொலிஸார் துப்பாக்கிச்சூடு நடத்தியுள்ளனர். இதில் காயமடைந்த இருவரும் வைத்தியசாலையில் சேர்க்கப்பட்டுள்ளனர். ஒருவரின் நிலைமை கவலைக்கிடமாக உள்ளது என தெரியவருகின்றது.

லேபர் கட்சி நாடாளுமன்ற உறுப்பினர் Karen McKeown என்பவரின் காரே இவ்வாறு களவாடப்பட்டு, கடத்திச் செல்லப்பட்டுள்ளது.

கார் களவாடப்பட்டமை தொடர்பில் பொலிஸாருக்கு தகவல் வழங்கப்பட்டதையடுத்து, பொலிஸார் தேடுதல் வேட்டையில் இறங்கினர்.

இந்நிலையில் இன்று மதியம் குறித்த காரை அடையாளம்கண்ட பொலிஸார் அதனை நிறுத்துவதற்குரிய சமிக்ஞைகளை வெளிப்படுத்தினர். எனினும் கார் நிறுத்தப்படாது பயணித்துள்ளது. இதனையடுத்தே துப்பாக்கிச்சூடு நடத்தப்பட்டுள்ளது.

காருக்குள் இருந்த இருவர் காயம் அடைந்துள்ளனர்.
சம்பவம் தொடர்பில் விசாரணைகள் இடம்பெற்றுவருகின்றன.