மெல்போர்னைச் சேர்ந்த 17 வயது சிறுவன் ஒருவர், ஐ.எஸ் பயங்கரவாத அமைப்பை ஆதரிக்கும் ஆவணங்களைச் சேகரித்ததற்காகவும் அந்த அமைப்பின் கொடியை இறக்குமதி செய்ததற்காகவும் கைது செய்யப்பட்டுள்ளார். 

ஆஸ்திரேலியாவிற்குள் சட்டவிரோதமாகக் கொண்டுவரப்பட்ட அந்தத் தடைசெய்யப்பட்ட கொடியைக் காவல்துறையினர் கைப்பற்றியதை அடுத்து   விசாரணை தொடங்கியது. 

அந்தச் சிறுவனின் மின்னணு சாதனங்களை ஆய்வு செய்தபோது, பயங்கரவாதச் செயல்களுக்கு உதவும் வகையிலான தகவல்கள் அவரிடம் இருந்தது கண்டறியப்பட்டது.

தற்போது சிறார் நீதிமன்றத்தில் ஆஜர்படுத்தப்பட்டுள்ள அந்தச் சிறுவனுக்கு, குற்றச்சாட்டுகள் நிரூபிக்கப்பட்டால் 15 ஆண்டுகள் வரை சிறைத்தண்டனை விதிக்கப்பட வாய்ப்புள்ளது. 

இந்தச் சம்பவத்தால் பொதுமக்களுக்கு உடனடி ஆபத்து ஏதுமில்லை என்று விக்டோரியா காவல்துறையினர் உறுதி அளித்துள்ளனர். இச்சம்பவம் மெல்போர்ன் பகுதியில் பெரும் பரபரப்பை ஏற்படுத்தியுள்ளது.