மேற்கு ஆஸ்திரேலியாவின் பிரபலமான சுற்றுலாத் தலமான ராட்னெஸ்ட் தீவில் சுறா தாக்குதலுக்கு இலக்காகி ஒருவர் பலியாகியுள்ளார்.

இன்று காலை பவளப்பாறைப் பகுதியில் நீந்திக்கொண்டிருந்த 38 வயது நபரொருவரே இவ்வாறு  உயிரிழந்துள்ளார். 

மீட்புக் குழுவினர் அவரை உடனடியாகக் கரைக்குக் கொண்டு வந்து முதலுதவி செய்தபோதிலும், அவரது உயிரைக் காப்பாற்ற இயலவில்லை. 

இந்தச் சம்பவத்தின்போது சுமார் ஐந்து மீட்டர் நீளமுள்ள வெள்ளை சுறா ஒன்று அப்பகுதியில் தென்பட்டதாகத் தகவல்கள் தெரிவிக்கின்றன. 

இதன் விளைவாக, அப்பகுதிக்கு வரும் மக்கள் மிகுந்த எச்சரிக்கையுடன் இருக்குமாறு அதிகாரிகள் அறிவுறுத்தியுள்ளனர். 

காவல்துறை இந்த எதிர்பாராத மரணம் குறித்து விரிவான விசாரணையைத் தொடங்கியுள்ளனர்.