தெற்கு ஆஸ்திரேலியாவின் மவுண்ட் பிளசன்ட் பகுதியில் உள்ள வீட்டிற்குள் அத்துமீறி நுழைந்து, அங்கிருந்தவரை பாலியல் வன்புணர்வு  செய்தார் எனக் கூறப்படும் 27 வயது இளைஞன் கைது செய்யப்பட்டுள்ளார். 

பாதிக்கப்பட்ட நபருக்கும் அந்த ஆடவருக்கும் இடையே முன்பின் அறிமுகம் இல்லை என்றும், இது ஒரு தனிப்பட்ட சம்பவம் என்றும் காவல்துறை தரப்பில் தெரிவிக்கப்பட்டுள்ளது. 

புதன்கிழமை அதிகாலை நடந்த இந்தத் வன்கொடுமையை அடுத்து தொடர்ந்து, தீவிர தேடுதல் வேட்டைக்கு பின் அந்த நபர் காவல்துறையினரால் பிடிபட்டார். 

சந்தேகத்திற்குரிய நபர் பயன்படுத்தியதாகக் கருதப்படும் வெள்ளை நிற வாகனத்தை தேடி வரும் அதிகாரிகள், மக்கள் யாரேனும் அவரைப் பார்த்திருந்தால் தகவல் அளிக்குமாறு கோரிக்கை விடுத்துள்ளனர். 

குற்றம் சாட்டப்பட்ட அந்த நபர் மீது அத்துமீறல் மற்றும் வன்புணர்வு ஆகிய பிரிவுகளின் கீழ் வழக்குப்பதிவு செய்யப்பட்டு, அவர் விரைவில் நீதிமன்றத்தில் ஆஜர்படுத்தப்பட உள்ளார். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.