ஈரானுடன் நிலவும் தற்காலிகப் போர்நிறுத்தத்தை நீட்டிப்பது குறித்து அமெரிக்க ஜனாதிபதி டொனால்ட் டிரம்ப் தனது உயர்மட்ட ஆலோசகர்களுடன் தீவிர ஆலோசனை நடத்தினார்.
இந்த சந்திப்பில் ஈரான் தனது அணுவாயுதக் கொள்கையை கைவிட வேண்டும் மற்றும் ஹார்முஸ் நீரிணைப்பில் தடையற்ற கப்பல் போக்குவரத்தை உறுதி செய்ய வேண்டும் போன்ற நிபந்தனைகள் விவாதிக்கப்பட்டன.
இரு நாடுகளுக்கும் இடையே புதிய ஒப்பந்தம் தொடர்பான ஆரம்பகட்ட இணக்கம் ஏற்பட்டிருந்தாலும், ஜனாதிபதி ட்ரம்பின் இறுதி ஒப்புதல் கிடைக்காததால் தற்போதைய சூழலில் தெளிவற்ற நிலை நீடிக்கிறது.
அமெரிக்காவின் நலன்களுக்கு உகந்த ஒரு தீர்வை எட்டுவதில் டிரம்ப் உறுதியாக இருப்பதாகவும், ஈரானின் அணுசக்தித் திட்டங்களை முடக்குவதே முதன்மை இலக்கு என்றும் வெள்ளை மாளிகை வட்டாரங்கள் தெரிவிக்கின்றன.
முந்தைய பேச்சுவார்த்தைகள் பெரிய முன்னேற்றத்தை அளிக்காத நிலையில், கப்பல் போக்குவரத்திற்கான தடைகளை நீக்க அமெரிக்கா தயாராக இருப்பதாகவும் தகவல்கள் வெளியாகியுள்ளன. இறுதியில், இரு நாடுகளுக்கு இடையிலான பதற்றத்தைத் தணிப்பதற்கான ஒரு இறுதி முடிவு இன்னும் எட்டப்படாமலேயே உள்ளது.
