ஆஸ்திரேலிய கடல் பறவையொன்றுக்கு முதன்முறையாக H5 ரக பறவைக் காய்ச்சல் கண்டறியப்பட்டுள்ளது.

இதுவரை, ஆஸ்திரேலியாவில் உறுதி செய்யப்பட்ட பறவைக் காய்ச்சல் சம்பவங்கள் அனைத்தும், துணை அண்டார்டிக் (sub-Antarctic) பிராந்தியத்தில் இருந்து பறந்து வந்த புலம்பெயர்ந்த பறவைகளிலேயே கண்டறியப்பட்டன.

தென்கிழக்கு தெற்கு ஆஸ்திரேலியாவில் உள்ள 'ரோப்' (Robe) என்ற நகரில் கண்டறியப்பட்ட பறவை ஒன்றில் இந்த வைரஸ் தொற்று இருப்பதை ஆய்வக சோதனைகள் உறுதிப்படுத்தியுள்ளதாக விவசாயத்துறை அமைச்சர் ஜூலி காலின்ஸ் (Julie Collins) தெரிவித்துள்ளார்.

தெற்கு ஆஸ்திரேலியாவில் மேலும் இரண்டு சம்பவங்களும், மேற்கு ஆஸ்திரேலியாவில் மற்றொரு சம்பவமும்  உறுதி செய்யப்பட்டுள்ளதை அடுத்து, மொத்த பாதிப்புகளின் எண்ணிக்கை 12 ஆக உயர்ந்துள்ளது.

உள்ளூர் வனவிலங்குகள் மத்தியில் பெருமளவில் உயிரிழப்புகள் ஏற்பட்டதற்கான ஆதாரங்கள் எதுவும் இதுவரை இல்லை என்றும், இந்த வைரஸ் விவசாயத் துறைகளுக்குப் பரவியதற்கான சான்றுகள் இல்லை என்றும் காலின்ஸ் கூறினார்.