இஸ்ரேல்மீது ஹமாஸ் அமைப்பினர் நடத்திய அக்டோபர் 7 தாக்குதலின் மூன்று ஆண்டு நிறைவைக் குறிக்கும் வகையில், ஆஸ்திரேலியாவின் சிட்னி நகரில் நூற்றுக்கணக்கான மக்கள் ஒன்றுதிரண்டு மெழுகுவர்த்தி ஏந்தி நினைவஞ்சலி செலுத்தினர்.

பாண்டி (Bondi) பகுதியில் நடைபெற்ற இந்நிகழ்வில், 2023-ஆம் ஆண்டு ஹமாஸ் தீவிரவாதிகள் இஸ்ரேல் மீது தாக்குதலைத் தொடங்கிய அதே நேரமான காலை 6:29 மணிக்கு ஒரு நிமிடம் மௌன அஞ்சலி செலுத்தப்பட்டது.

2023 அக்டோபர் 7 அன்று, ஒரு யூதப் பண்டிகை நாளில்தீவிரவாதிகள் தெற்கு இஸ்ரேலுக்குள் புகுந்து, 1,200-க்கும் மேற்பட்ட பொதுமக்களைக் கொன்றதுடன் சுமார் 250 பேரப் பிணைக்கையாலிகளாகக் கடத்திச் சென்றனர்.

இது இஸ்ரேலின் 78 கால வரலாற்றில் நடத்தப்பட்ட மிக மோசமான தாக்குதலாகக் கருதப்படுகிறது.

யூத எதிர்ப்பு உணர்வுகளுக்கு எதிராகச் செயல்படும் 'ஸ்டாண்ட்வித்அஸ் ஆஸ்திரேலியா' (StandWithUs Australia) அமைப்பின் நிர்வாக இயக்குநர் மைக்கேல் கென்ச்சர் பேசுகையில், அக்டோபர் 7 சம்பவங்களும் அதன் விளைவுகளும் உலகெங்கிலும் உள்ள யூத சமூகங்களிடையே இன்னும் எதிரொலித்து வருகின்றன என்றார்.

"மூன்று ஆண்டுகளுக்குப் பிறகும், அக்டோபர் 7 என்பது வரலாற்றில் வெறும் ஒரு தேதி மட்டுமல்ல, அது இன்னமும் நம்முடனேயே இருக்கிறது," என்று அவர் கூறினார்.

மேலும், அக்டோபர் 7 தாக்குதலுக்குப் பிறகு தாங்கள் எதிர்கொண்ட யூத எதிர்ப்பு மற்றும் சீயோனிச எதிர்ப்பு அனுபவங்களை யூத சமூகத்தைச் சேர்ந்த சாமானிய மக்களும் இந்நிகழ்வில் பகிர்ந்துகொண்டனர்.

டிசம்பர் 14 அன்று பாண்டி கடற்கரையில் நடந்த படுகொலையின் நிழலிலேயே இந்த ஆண்டின் நினைவேந்தல் நடைபெறுவதாகக் கென்ச்சர் ஒப்புக்கொண்டார். 

ஆஸ்திரேலியாவுக்கான இஸ்ரேலிய தூதர் ஹில்லெல் நியூமேன் கூட்டத்தில் பேசுகையில், அக்டோபர் 7 அன்று கொல்லப்பட்ட ஒவ்வொரு நபருக்குப் பின்னாலும் "ஒரு முகமும் ஒரு குடும்பமும்" உள்ளது என்றார். 

இஸ்ரேல் மீதான இந்தத் தாக்குதலைத் தொடர்ந்து காசாவில் போர் வெடித்தது. இதில் 74,000-க்கும் மேற்பட்டோர் கொல்லப்பட்டுள்ளதாக ஹமாஸ் அதிகாரத்தின் கீழ் இயங்கும் காசா சுகாதார அமைச்சகம் தெரிவித்துள்ளது. இந்த எண்ணிக்கையை ஐக்கிய நாடுகள் சபை நம்பகமானதாகக் கருதுகிறது.