மெல்பேர்ணிலுள்ள ஆரம்ப பாடசாலையொன்றின் பாதுகாப்பு வேலியில் மோதி காரொன்று விபத்துக்குள்ளானதில் 11 வயது மாணவர் ஒருவர் உயிரிழந்துள்ளார். மேலும் நான்கு மாணவர்கள் காயமடைந்துள்ளனர்.
வீதியில் பயணித்துக்கொண்டிருந்த காரொன்று வேகக்கட்டுப்பாட்டை இழந்தே இவ்வாறு விபத்துக்குள்ளாகியுள்ளது.
இதனையடுத்து Auburn South ஆரம்ப பாடசாலைக்கு பிற்பகல் 2.30 மணியளவில் அவசர சேவை பிரிவுகள் அழைக்கப்பட்டன.
காயமடைந்த ஐந்து மாணவர்களும் உடனடியாக வைத்தியசாலைக்கு கொண்டு செல்லப்பட்டனர். அவர்களுக்கு படுகாயம் ஏற்பட்டுள்ளது. எனினும், 11 வயது மாணவர் ஒருவர் சிகிச்சை பலனின்றி உயிரிழந்துள்ளார்.
காரை ஓட்டின்சென்ற 40 வயது பெண் கைது செய்யப்பட்டுள்ளார். விபத்து தொடர்பான விசாரணைகள் முன்னெடுக்கப்பட்டுவருகின்றன.
