குயின்ஸ்லாந்து மாநிலத்தில் சுமார் ஒரு தசாப்தத்துக்கு பிறகு புதிய அமைச்சரவை இன்று பதவியேற்றுள்ளது. 

குறித்த மாநிலத்தில் 9 ஆண்டுகளாக லேபர் கட்சி ஆட்சியே நீடித்த நிலையில், கடந்தவாரம் நடைபெற்ற நாடாளுமன்றத் தேர்தலில் லிபரல் கட்சி வெற்றிபெற்றது.

மாநில பிரீமியராக David Crisafulli பதவியேற்ற நிலையில், இன்றைய தினம் புதிய அமைச்சரவை அறிவிக்கப்பட்டுள்ளது. 

தனது நிழல் அமைச்சரவையே தேர்தலுக்கு பிறகும் தொடரும் என David Crisafulli அறிவித்திருந்த நிலையில், அந்த உறுதிமொழி மீறப்பட்டுள்ளது. 
அமைச்சு பதவிகளில் மாற்றம் இடம்பெற்றுள்ளது.

Jarrod Bleijie துணை பிரீமியராக நியமிக்கப்பட்டுள்ளார்.  David Janetzki பொருளாளராக பதவி வகிப்பார். Tim Nicholls சுகாதார அமைச்சராக செயற்படுவார். 

Deb Frecklington சட்டமா அதிபராக பதவிப்பிரமாணம் செய்துள்ளார். நிழல் கல்வி அமைச்சராக செயற்பட்டவருக்கு அப்பதவி வழங்கப்படவில்லை. மாறாக சபை முதல்வராக அவர் நியமிக்கப்பட்டுள்ளார். பூர்வக்குடி தொடர்பான அமைச்சு இலாகா Fiona Simpson இற்கு வழங்கப்பட்டுள்ளது.