ஆசிய பசுபிக் பிராந்தியத்திலுள்ள தமது நட்பு நாடுகளை அமெரிக்காவின் புதிய ஜனாதிபதியாக தெரிவாகியுள்ள டொனால்ட் ட்ரம்ப் மறக்ககூடாது என்று ஆஸ்திரேலியாவின் நிதி அமைச்சர் ஜிம் சால்மர்ஸ் தெரிவித்துள்ளார்.
இறக்குமதி பொருட்களுக்கு கூடுதல் வரியை விதிப்பதற்கு ட்ரம்ப் அரசு நடவடிக்கை எடுக்கும் என எதிர்பார்க்கப்படும் சூழ்நிலையிலேயே இந்த கோரிக்கை விடுக்கப்பட்டுள்ளது.
ரஷ்யா, உக்ரைன் போர் முடிவுக்கு கொண்டுவரப்படும்
என்று ட்ரம்ப் அறிவித்துள்ளார். எனினும், மத்திய கிழக்கு விவகாரம் பற்றி வெளிப்படையான அறிவிப்பு இன்னும் வெளியாகவில்லை.
அதேவேளை, குவாட் நாடுகள் தொடர்பில் சாதகமான அணுகுமுறைகள் ட்ரம்ப் நிர்வாகத்திலும் பின்பற்றப்படும் எனவும் நிதி அமைச்சர் நம்பிக்கை வெளியிட்டுள்ளார்.
ட்ரம்பின் பதவியேற்பு விழாவில் ஆஸ்திரேலிய பிரதமர், வெளிவிவகார அமைச்சர் மற்றும் நிதி அமைச்சர் ஆகியோர் பங்கேற்பார்கள் எதிர்பார்க்கப்படுகின்றது.
