பொருளாதார அழுத்தங்களைக் கையாள்வதில் உலகில் ஏனைய நாடுகளைவிட ஆஸ்திரேலியா சிறப்பாக செயற்படும் என்று பொருளாளர் ஜிம் சால்மர்ஸ் தெரிவித்தார்.
அமெரிக்க ஜனாதிபதி தேர்தலில் டொனால்ட் ட்ரம்ப் வெற்றிபெற்றுள்ள நிலையில், அவரின் ஆட்சியின்கீழ் அமுலுக்கு வரவுள்ள புதிய வரிக்கொள்கையானது ஆஸ்திரேலிய பொருளாதாரத்திலும் தாக்கத்தை ஏற்படுத்தும் என சுட்டிக்காட்டப்பட்டுள்ளது.
இந்நிலையிலேயே பாதாகமான சூழ்நிலை ஏற்பட்டால் அதனை எதிர்கொள்வதற்கு ஆஸ்திரேலியா தயாராக உள்ளது என்று பொருளாளர் அறிவித்துள்ளார்.
அதேவேளை, அமெரிக்காவின் வரி உள்ளிட்ட கட்டணக் கொள்கையில் இருந்து சலுகைகளை பெறுவது தொடர்பில் ஆஸ்திரேலியாவால் பேச்சு நடத்த முடியும் எனவும் அவர் சுட்டிக்காட்டியுள்ளார்.
