ஆஸ்திரேலிய சனத்தொகை கடந்த 12 மாதங்களில் 5 லட்சத்து 52 ஆயிரத்தால் அதிகரித்துள்ளது என்று ஆஸ்திரேலிய புள்ளியியல் திணைக்கள தரவுகள் தெரிவிக்கின்றன.
2024 ஜுன் 30 வரையான காலப்பகுதியில் இது 2.1 சதவீத வளர்ச்சியாகும் என சுட்டிக்காட்டப்பட்டுள்ளது. இதன் அடிப்படையில் ஆஸ்திரேலிய சனத்தொகை 27.2 மில்லியனைக் கடந்துள்ளது.
ஆஸ்திரேலியா வருபவர்களின் எண்ணிக்கை அதிகரித்துள்ளதாலேயே சனத்தொகை எண்ணிக்கையும் அதிகரித்துள்ளது. எனினும் கடந்த வருடத்துடன் ஒப்பிடுகையில் ஆஸ்திரேலியா வருபவர்களின் எண்ணிக்கை தற்போது குறைவடைந்துள்ளது.
அத்துடன், இடம்பெயர்வு எண்ணிக்கையும் குறைவடைந்துள்ளது. சனத்தொகை அதிகரிப்புக்கு இதுவுமொரு காரணமாகும்.
இவ்வருடத்தில் இதுவரையில் 2 லட்சத்து 89 ஆயிரத்து 100 பிறப்புகள் நடந்துள்ளன. ஒரு லட்சத்து 82 ஆயிரத்து 700 பேர் உயிரிழந்துள்ளனர். இறப்பு வீதம் குறைவடைந்துள்ளதால் இயற்கையான சனத்தொகை அதிகரிப்பும் இடம்பெற்றுள்ளது.
