ஆஸ்திரேலியா கூட்டாட்சி அரசியல் களத்தில் நீண்டகாலமாக எதிர்க்கப்பட்ட நிழல் அமைச்சரவை மாற்றத்தை, தேர்தலுக்கு முன்னதாக எதிர்க்கட்சித் தலைவர் பீட்டர் டட்டன் அறிவித்துள்ளார்.
நிழல் வெளிவிவகார அமைச்சராக செயல்பட்டுவந்த சைமன் பர்மிங்காம் அரசியலில் இருந்து ஓய்வுபெறுவதால் புதிய நிழல் வெளிவிவகார அமைச்சராக டேவிட் கோல்மேன் நியமிக்கப்பட்டுள்ளார்.
ஆஸ்திரேலியாவின் வெளிவிவகாரக் கொள்கையை தற்போதைய வெளிவிவகார அமைச்சர் பெனி வோங் சீர்குலைத்துள்ள நிலையில், அதனை டேவிட் கோல்மேன சீர்செய்வாரென எதிர்க்கட்சித் தலைவர் குறிப்பிட்டுள்ளார்.
மெலிசா மெக்கின்டோஷ், நிழல் தகவல் தொடர்புதுறை அமைச்சராக நியமிக்கப்பட்டுள்ளார்.
அத்துடன், ட்ரம்ப் நிர்வாக பாணியில் நிழல் அமைச்சரவையில் ' அரசாங்க செயல்திறன்" என்ற விடயமும் ஸ்தாபிக்கப்பட்டுள்ளது. நிழல் பூர்வக்குடி அமைச்சர் ஜசிந்தா நம்பிஜின்பா விரைஸிடம், குறித்த விடய பொறுப்பு கையளிக்கப்பட்டுள்ளது.
