உலகில் ஊழல்கள் குறைந்த முதல் 10 நாடுகள் பட்டியலில் டென்மார்க் முதலிடத்தை தக்கவைத்துக் கொண்டுள்ள நிலையில், ஆஸ்திரேலியா 10 ஆவது இடத்தைப் பிடித்துள்ளது.
சர்வதேச வெளிப்படைத்தன்மை என்ற தன்னார்வ அமைப்பு, ஊழல்கள் தொடர்பில் நாடுகளின் கண்ணோட்ட குறியீடு பட்டியலை வெளியிட்டு வருகிறது.
அரசு அலுவலகங்கள், பொதுத் துறை நிறுவனங்களில் நடைபெறும் ஊழல் உட்பட் 13 தரவுகளின்படி பூஜ்ஜியம் முதல் 100 மதிப்பெண்கள் அடிப்படையில் இந்த தரவரிசைப் பட்டியலை வெளியிடுகிறது.
இதில், ஊழல் மிகுந்த நாடு என்றால் பூஜ்ஜியம் மதிப்பெண்ணும், ஊழல் அற்ற நாடு என்றால் 100 மதிப்பெண் என்ற அடிப்படையில் நாடுகள் தரவரிசைப் படுத்தப்படுகின்றன.
அதன்படி, 180 நாடுகளைக் கொண்ட இந்தப் பட்டியலில், ஊழல் குறைந்த முதல் 10 நாடுகளில் டென்மார்க் முதலிடத்தை தக்கவைத்துக் கொண்டது.
2 ஆவது இடத்தில் பின்லாந்தும், மூன்றாவது இடத்தில் சிங்கப்பூரும், நான்காவது இடத்தில் நியூசிலாந்தும் உள்ளன. இந்த பட்டியலில் ஆஸ்திரேலியா 10 ஆவது இடத்தில் உள்ளது.
அதேநேரத்தில் ஊழல் மிகுந்த நாடுகள் பட்டியலில் தெற்கு சூடான் முதல் இடத்தில் உள்ளது. இதற்கு அடுத்த இடங்களில் சோமாலியா, வெனிசூலா, சிரியா, ஏமன், லிபியா, ஈகுவடோரியல், கினியா, நிகரகுவா, சூடான் ஆகிய நாடுகள் உள்ளன.
