ஆஸ்திரேலியாவின் பவளக் கடலில் உள்ள கெய்ர்ன்ஸிலிருந்து வடகிழக்கே சுமார் 400 கி.மீ தொலைவில் ஒரு வெப்பமண்டல குறைந்த காற்றழுத்த தாழ்வு நிலை உருவாகியுள்ளது. இதனால் இரண்டு மாநிலங்கள் வெப்பமண்டல சூறாவளிகள் ஏற்படும் அபாயத்தை எதிர்கொள்ளலாம் என்று வானிலை ஆய்வு மையம் எதிர்வு கூறியுள்ளது.

சனிக்கிழமை தொடங்கும் நிலையில், குறைந்த காற்றழுத்த தாழ்வு நிலை வெப்பமண்டல சூறாவளியாக உருவாகும் வாய்ப்புகள் மிதமானவை, திங்கட்கிழமை முதல் அவை  மிதமாக அதிகரிக்கும். வெப்பமண்டல குறைந்த காற்றழுத்த தாழ்வு நிலை அடுத்த நாட்களில் மேலும் வளரும் என்று எதிர்பார்க்கப்பட்டாலும், வெள்ளிக்கிழமை நிலவரப்படி அது குயின்ஸ்லாந்திற்கு உடனடி அச்சுறுத்தலை ஏற்படுத்தாது.

வெப்பமண்டல குறைந்த காற்றழுத்தத் தாழ்வு நிலை கடலோரத்தில் நன்கு நிலைத்து, அடுத்த ஏழு நாட்களில் கிழக்கு மற்றும் தென்கிழக்கு நோக்கி நகரும்" என்று வானிலை ஆய்வு மையத்தின் மூத்த வானிலை ஆய்வாளர் ஜோனாதன் ஹவ் கூறினார்.

வாரத்தின் நடுப்பகுதியில் இருந்து, வெப்பமண்டல குறைந்த காற்றழுத்தத் தாழ்வு நிலை அல்லது சூறாவளியின் இயக்கம் மற்றும் வளர்ச்சிக்கு ஏராளமான சூழ்நிலைகள் இருப்பதாக பணியகம் தெரிவித்துள்ளது.

"இதில் ஆஸ்திரேலியாவிலிருந்து மேலும் கிழக்கு நோக்கி நகர்வதும் நியூ கலிடோனியா மற்றும் வனுவாட்டு போன்ற இடங்களை நோக்கி நகர்வதும் அடங்கும், இல்லையெனில் இந்த அமைப்பு பவளக் கடல் மீது மேலும் தெற்கே அடையக்கூடும்" என்று திரு ஹவ் கூறினார். குயின்ஸ்லாந்து மக்கள் சமீபத்திய வெப்பமண்டல சூறாவளி தகவல்களுடன் புதுப்பித்த நிலையில் இருக்குமாறு கேட்டுக் கொள்ளப்படுகிறார்கள்.

புயலாக உருவாகக்கூடிய இரண்டாவது வெப்பமண்டல குறைந்த காற்றழுத்த தாழ்வு பகுதி இந்தியப் பெருங்கடலில் நிலைகொண்டுள்ளது.

சபா.தயாபரன்