தமிழ்த் தேசிய, சிவில் சமூக செயற்பாட்டாளரான சி.அ.யோதிலிங்கம் நேற்றிரவு யாழ்ப்பாணம் வைத்தியசாலையில் காலமானார்.
சமூக விஞ்ஞான ஆய்வு மன்றத்தின் தலைவரும், சட்டத்தரணியும், அரசியல் ஆய்வாளருமான சி.அ.யோதிலிங்கம், எட்டு மணிநேரம் நடந்த இதய அறுவைச் சிகிச்சைக்குப் பின்னர் மரணமாகியுள்ளார்.
சி.அ.யோதிலிங்கம் தமிழ்த் தேசிய அரசியலை வழிப்படுத்தும் ஆய்வுகள், கட்டுரைகளை எழுதியிருப்பதுடன், அரசியல் போராட்டங்கள் பலவற்றில் முன்னின்று செயற்பட்டவர்.
தமிழ் மக்களின் அரசியல் விடுதலை, மலையக மக்களின் உரிமைகள், அரசியலமைப்பு சார்ந்த பெருமளவு நூல்களையும் இவர் எழுதி வெளியிட்டுள்ளார்.
சமூக விஞ்ஞான ஆய்வு மன்றத்தின் ஊடாக பல ஆய்வுகளையும், ஆய்வரங்குகளையும் மேற்கொண்டவர் என்பது குறிப்பிடத்தக்கது.
