“ கலகொட அத்தே ஞானசார தேரருக்கு ஜனாதிபதி பொதுமன்னிப்பு வழங்க வேண்டும் என்ற தேரர்களின் கோரிக்கை நிறைவேற்றக்கூடியதொன்றல்ல.” என்று அமைச்சர் லால்காந்த இன்று அறிவித்தார்.
“மக்கள் வழங்கிய ஆணையின் பிரகாரமே அரசாங்கம் முடிவுகளை எடுத்துவருகின்றது. நடை பயணம் வந்த பிக்குகளால் முன்வைக்கப்பட்ட கோரிக்கை நிறைவேற்றக்கூடியதொன்றல்ல. அவ்வாறு நிறைவேற்றினால் அது மக்கள் ஆணையை மீறுவதாக அமையும்.” எனவும் அவர் சுட்டிக்காட்டினார்.
சட்டம் என்பது அனைவருக்கும் சமம், நீதிமன்ற உத்தரவு, மக்கள் ஆணைக்கு புறம்பாக செயல்பட முடியாது எனவும் அவர் திட்டவட்டமாக அறிவித்தார்.
