யாழ்ப்பாணம் மாவட்டத்தில் பாதுகாப்புப் படையினரின் பயன்பாட்டிலிருந்த 11.23 ஏக்கர் காணிகள் உத்தியோகபூர்வமாக விடுவிக்கப்பட்டு, அதற்கான ஆவணங்கள் மாவட்ட செயலரிடம் இன்று கையளிக்கப்பட்டன.

பலாலி பாதுகாப்புப் படைகளின் சிவில் விவகாரங்களுக்கான சிரேஷ்ட அதிகாரி கேர்ணல் நிசங்க, இதற்கான உத்தியோகபூர்வ ஆவணங்களை யாழ்ப்பாண மாவட்ட செயலகத்தில் வைத்து மாவட்ட செயலர் மருதலிங்கம் பிரதீபனிடம் ஒப்படைத்தார்.

இதற்கமைய வலிகாமம் வடக்கு (தெல்லிப்பழை) பிரதேச செயலகப் பிரிவுக்குட்பட்ட 1.29 ஏக்கர் காணிகளும், நல்லூர் பிரதேச செயலகப் பிரிவுக்குட்பட்ட 5.06 ஏக்கர் காணிகளும், வடமராட்சி கிழக்கு (மருதங்கேணி) பிரதேச செயலகப் பிரிவுக்குட்பட்ட 4.88 ஏக்கர் காணிகளுமாக மொத்தம் 11.23 ஏக்கர் காணிகள் இவ்வாறு உத்தியோகபூர்வமாக விடுவிக்கப்பட்டுள்ளமை குறிப்பிடத்தக்கது.